Listir og menning eru okkur lífsnauðsyn.  Hvort tveggja veitir okkur innblástur og stækkar sjóndeildarhringinn. Leggjum áherslu á aðgengi allra bæjarbúa að viðburðum og stuðlum að öflugu fjölbreyttu menningarstarfi, í öllum hverfum bæjarins. Færum menninguna nær fólki og njótum þess sem listafólk Kópavogs hefur upp á að bjóða. 

Framsókn ætlar að: 

• Stuðla að því að menningarkjarnar í hverfum bæjarins verði starfræktir samhliða þungamiðju starfseminnar sem verði í Menningarhúsunum við Hamraborg. 
• Leggja áherslu á að samræma opnunartíma Menningarhúsanna í takt við þarfir íbúanna. Aukum þannig aðgengið.
• Eflum samstarf við leik- og grunnskóla með því að vinna markvisst í fræðslu barna og ungmenna og skapa frjóan jarðveg fyrir listræna og skapandi hugsun.
• Færum listina nær almenningi og fjölgum útilistaverkum í bænum. Dreifum þeim vítt og breitt og skoðum möguleika á tilfæranlegum verkum og virkjum þannig listafólkið okkar samhliða því að brjóta upp umhverfið.
• Skapa vettvang fyrir jólaþorp í bænum. 
• Skoða möguleika á að koma upp skautasvelli í bænum okkar. Við erum hjarta höfuðborgarsvæðisins og erum í frábæru sóknartækifæri.
• Stuðla að nýtingu opinna svæða í auknum mæli og nýta útivistarsvæðin okkar til að stuðla að fjölskylduvænum viðburðum allan ársins hring, til að mynda í Guðmundarlundi.